طريقه الكنافة بالقشطه من ام عبدالله
مقادير بعمل الكنافة بالقشطة
كيلو كنافه .. كوب سمنه سايحه .. نص كوب سكر بودره
طبقة الكريمة
3 اكواب لبن .. 3 معالق نشا ..
الشربات
2 كوب سكر وكوب ماء وعصره ليمون
التحضير
هنجهز طبق كبير يتحط فيه الكنافه ونكون مفرولينها كويس وهنكون مجهزين السمنه ومسيحينها كويس وهنرشها ع الكنافه وهنفركها جيدا حتي لونها يتغير تماما ويبقي لونها كلها زي بعض يكون السمنه تداخلت مع االكنافه تماما وبعدين نحط عليهم السكر البودر
طبعا مستخدمناش سكر عادي عشان الحبيبات الي فيه متظهرش ف الكنافه
وبعدين نعملها ع كورتين
ونجهز الكريمه بتاعتها
هنستخدم وعاء نحطه ع النار ونحط فيه اللبن لحد ما يغلي وبعدين نحط فيه النشا ونفضل نقلب وطبعا مافيش سكر ف الخطوه دي عشان الكنافه عليها سكرها ولحد ماا تعمل قدامك مهلبيه يبقي تمام كدا جهزنها خطوتين
نجهز الصينيه مقاي 26 مثلا
مدهونه بسمنه وعليها رشه الدقيق عشان متلزقش ف الصينيه
نحط عليها نص الكنافه ونساويها كويس جدا من الالطراف وبعدين نقلب عليها المهلبيه وبعدين نحط النص التاني من الكنافه ونضغط عليها كويس جداااا
وبعدين ندخلها ع فرن مسخن قبلها ع درجه حراره 180 ف الفرن الاوسط
لحد ما نجهز الشرابات بتاعها
نجيب طبق ونحطه النار فيه السكر والماء ولما يغلي ننزل بعصره الليمون ونسيبه لما يبرد
نلقي نظره ع الكنافه ان شاء الله تكون استوت واتحمرت ع الوجه ال فوق ويكون الشربات برد نحط عليها الشربات وتقدم احلي صينيه كنافه بالقشطه